Ana səhifə » 2012 » İyun » 6 » Azərbaycan bayrağını təhqir edən stilist: 'Bəli bu Azərbaycan bayrağı idi'
13:23
Azərbaycan bayrağını təhqir edən stilist: 'Bəli bu Azərbaycan bayrağı idi'
"Bu bayraqdakı kəllələr düşməni məhv etmək istəyinin əlamətidir”. Bu
sözləri stilist Samir Əliyev üzərində Azərbaycan bayrağının rəngləri və
insan kəlləsi həkk olunmuş yaylıqla çəkdirdiyi fotolara münasibət
bildirərkən deyib.
Stilist Lent.az-a bildirib ki, bu hərəkəti
ilə Azərbaycanın güclü bir ölkə olduğunu sübut etmək istəyib (?-red.):
"Bəli, bu, Azərbaycan bayrağıdır. Bu, məşhur bir dizaynerin əl işidir.
Bunu insanlar başa düşmür. Bir az məntiqlə düşünmək lazımdır. Mən bu
hərəkətimlə onlara demək istəyirəm ki, bir baxın, düşünün, məşhur
dizayner Azərbaycan bayrağının üzərinə bu kəllələri əks etdirməklə onun
necə güclü bir ölkə olduğunu dünyaya göstərdi. Mən də bu əl işini bizim
insanlara göstərmək istədim. Yəni, Azərbaycan düşmənlərini hər an
öldürməyə hazırdır. Onsuz da biz may ayında "Eurovision” şousunun
təşkilində göstərdiyimiz qabiliyyətlə düşməni məhv etdik. Bir daha
deyirəm, bu bayraqda olan kəllələr düşməni məhv etmək qüdrətinin
əlamətidir” - deyə stilist əlavə edib.
