|
Bir gün Musa (ə) peyğəmbərə tapşırılır ki, Xızır peyğəmbərin yanına getsin və onun yanında çalışsın.Musa (ə) ölü bir balığı götürüb yola düşür. Xeyli getdikdən sonra, gur axan çayın qarşısında dururlar. Musa (ə) balığı çaya atan kimi balıq dirilib üzməyə başladı. O. bildi ki, Xızır (ə) peyğəmbərlə görüşəcəyi yer buradı. Bir az keçəndən sonra Xızı(ə) göründü və Musa (ə) la salamlaşıb birlikdə evinə sarı getməyə üz tutdu. Lakin, yolda Xızır(ə) Musa (ə)a şərtini bildirdi:
-Ey Allahın nəbisi! Mənim etdiklərim barədə məni sorğu sual etməzsən.
Musa(ə) razılaşdı. Səhər tezdən onlar gəmiylə çayı keçəndə Xızır peyğəmbər baltanı götürüb gəminin taxtalarını sındırmağa başladı. Musa (ə) qarşısını kəsib deyir:
-Nə edirsən? Bu yazıq kasıb Allah bilir nə əziyyətlə bu gəmini düzəldib sənsə onu dağıdırsan.
Xızır (ə) əhvalını pozmadan deyir:
-Mən sənə dedim axı mən nə etsəm sorğu sual etmə.
İkinci günü Xızır (ə) ın yanına ərlə arvad gəlir.Onlar yeni doğulmuş körpələri üçün xeyir dua istəyir. Lakin bu zaman Xızır (ə) uşağın başını qılıncla kəsir. Yenə də Musa( ə) narazılığını bildirir və bunun ədalətsiz bir qərar olduğunu deyir. Yenə də Xızır (ə) onun işinə qarışmamasını bildirir.
Üçüncü gün onlar kafirlərin obasından keçməli olurlar. Bu zaman Xızır (ə) sökülüb-uçulmuş bir evdə yaşayan uşağı ziyarət edir, onun evini düzəldir. Bu dəfə də Musa (ə) səbr edə bilmir və bunun səbəbini soruşur. Xızır (ə) deyir:
-Mən sənə etdiklərimin hamsının səbəbini deyəcəm, amma artıq mənim yanımda çalışa bilməzsən. Birinci, o gəmini ona görə üzdən dağıtdım ki, qarşıdan yadellinin gəmisi gəlirdi. Əgər bu kasıbın gəmisi salamat olsaydı, onun əlindən alacaqdılar.İkinci o körpəni ona görə öldürdüm ki, o böyüyəndə Allahın düşmənlərindən olacaqdı. Üçüncü, o kafir obasında yeganə Allaha sitayiş edən o uşaq idi ki, mən də onun evini düzəltdim.
| 
