Azerbaycanin milli eylence portali

Hər sevginin sonu bir əlvidadır!

Lima — Sat, 11 Aug 2012 14:21:34 GMT

ღღღ Hər kəsdən və hər şeydən qaçarkən ...
Bir gün gözləmədiyin yerdə, heç tanımadığın birinə təslim olmaq…
Səbəbsiz yerə...
Bəlkə də səhv olduğunu bilə-bilə…
Vaxtsız , amma bir gülüşlə birləşən iki həyat… ღღღ

ღღღ Necə də xoşbəxt ola bilərdik ....
Artıq çox gec, sualları qoydum bir kənara...
Səssiz həyatıma xoş gəldin, Həyatım…
Gəlişinlə həyatı tapdım özlüyümdə …İndi hər şeyə tamam fərqli və qiymətli baxıram…
Yanında çox xoşbəxtəm , Səninlə olanda mənə gülmək yaraşır.…Deyirəm- "ya sən məna verdin həyatıma, ya da mən məna verdim sənin həyatına "…
Hələ də, içimdə qorxularım var amma danışa bilmədiyim qorxular… ღღღ

ღღღ Uzaq durmaq istədikcə daha çox bağlanıram sənə,
Getmək istədikcə yaxınlaşıram sənə… özümə heç cür etiraf edə bilmirəm sənə vurulduğumu və sənə aşiq olduğumu....
Səninlə keçən hər gözəl günümün sonunda , ikimizlə bağlı arzular qururam...
Amma o dəqiqə ağlıma gələn cümlə:
"Hər sevginin sonu bir əlvidadır!" ღღღ

ღღღ Səssizcə qışqırıram, məni özündən ayırma…
Səninlə yeni bir günə sabahın xeyir demək varkən...
Mənim də bir qəlbim var imiş, döyündüyünü hiss edirəm
və sənə sarılarkən qulağına pıçıltı ilə söyləmək istədim.
‘’ Sadəcə xoşbəxtlikdən və həyacandan döyünsün ürəyim, Sevgilim‘’
demək istəyirdim amma deyə bilmədim….
Hər sevginin sonu bir əlvidadır!... ღღღ

ღღღ Gedərkən sadəcə yarımçıq cümlələrim qaldı mənə ...
Artıq bu şəhəri sevmirəm …
Bu şəhərin küçələrində gəzmək istəmirəm ...
Hər şeyi unutmaq istədikcə bütün hər yer və hər küçə səni xatırladır mənə ...
İkimizə heç bir xəyal qura bilmirəm, çünki ikimiz deyə bir şey yoxdur artıq...
Sən və mən, İkimiz də varıq bu həyatda, amma çox heyif ki, iki yad bir insanlarıq…ღღღ

ღღღ İndi sənin olmadığın bir yerdə, amma səni xatırladacaq bu şəhərdə çarəsizcəsinə səni gözləyirəm,
Dönməyəcəyini bilə-bilə… ღღღ

O tezliklə gələcək

Lima — Sat, 11 Aug 2012 14:19:08 GMT

Bir ömür yaşamısan,
Hər anında səadət!
Sən saymısan günləri
Ürəyində sədaqət!

Üzübdür xəyal gəmin
Arzular dəryasında!
Yaşamısan ümidlə
Məhəbbət dünyasında!

Gözlərindən mehriban
Təbəssümün boylanar!
Baxışların danışsa,
Ürəyim alovlanar!

İndi məktəb yoluna
Həsrət-həsrət baxarsan!
On səkkiz yaş bahardır,
Sən özün də baharsan!

Bayramıdır ömrünün,
Səkkiz mart gəlib yenə!
Bir həsrət acı-acı
Üzümə gülüb yenə!

Yaxın qoyma kədəri;
Ümid dolu-gələcək!
Gözlə sevdiyini sən,
O,tezliklə gələcək!

Dəniz şəhərinə səfər

Lima — Sat, 11 Aug 2012 14:17:40 GMT

Bu gecə evimdən qovdum gecəni,
Yenə gəzdiyimi tapa bilmədim.
Bu gecə fikrimdən gəlib keçəni
Yoğura bilmədim, yapa bilmədim.

Dedim bu gecədən gül ətri alam,
Qatam könlümdəki nəğmə səsinə.
Ayın ziyasından nur çətri alam,
Tutam bir gözəlin pəncərəsinə.

Mən bir yana çəkdim, ilham bir yana;
Gördüm pəncərəmdə dəniz qabardı.
Dalğalar fikrimi neft daşlarına
Bilmədim heç necə çəkib apardı.

Çoxdan olmamışam burda, eləmi? --
Şerimin nə qədər sözü paslanıb.
Gərək iş başında sıxam əlini,
Dəniz qəhrəmanı, dəniz aslanı!

Burda hər ürəkdə bir dəniz yatır,
Hələ xəbərsizəm dəfinəsindən.
Sudan nur göyərir -- buruq boy atır --
Muştuluq Xəzərin xəzinəsindən!
Bu yerin ilk özül daşı hünərmiş,
Bütün inadları hünər qırıbdır.
Bu qara daşlar da maneələrmiş
İnsan tapdalayıb, daşlaşdırıbdır.

Gör bura nə böyük ada köçübdür! --
Hər insan qəlbində bir sahil-şəhər.
Şair, söz gəmini bu adaya sür,
Dalğa yar ömrünün sonuna qədər.

Just For Girls

Lima — Fri, 10 Aug 2012 13:23:29 GMT

Aləmləri lərzəyə gətirən gecə..............

Moonlight — Fri, 10 Aug 2012 08:26:51 GMT

Qədr gecəsinin Ramazanın neçənci gecəsi olduğu haqqında bütün söylənənlər sadəcə ehtimaldır. Qəti vaxt isə Allah tərəfindən gizlin saxlanılmışdır. Belə rəvayət olunur ki, Peyğəmbərimiz(s.ə.s) Qədr gecəsinin vaxtını demək üçün qövmünün yanına gəlir. Bu zaman iki müsəlman nəyinsə üstündə dalaşırmış. Peyğəmbərimiz(s.ə.s) bunu görüb deyir" Sizə Qədr gecəsini bildirmək üçün gəlmişdim, lakin mübahisə etdiyiniz üçün Allah həmin bilgini məndən aldı." Qədr gecəsini Ramazanın son 10 günündə axtarmaq lazımdır. Son 10 günün 9-cu,7-ci və 5-ci gecəsində axtarın.
Məlum olduğu kimi insan nəfsinin xüsusiyyətlərindən biri də günah işləməyə meyilli olmasıdır. Min gecədən xeyirli olan Qədr gecəsinin vaxtı dəqiq bilinmiş olsaydı, insanlar onu dəyərləmdirməyə cəhd göstərdikdən sonra arxayınçılıq yarana bilərdi. Rəbbimiz ölümü günlərin içində gizli saxlamışdır, öz rizasını saleh bəndələrinin içində saxlamışdır,qəzəbini günaların içində saxlamışdır

Çay nəyin üstündən axırdı????

Moonlight — Sun, 22 Jul 2012 09:57:37 GMT

Keçmiş zamanlarda Bağdadda bir varlı tacir yaşayırdı. Onun mal dövləti saya gəlməyəcək qədər çox idi. Tacirin aman zaman Əhməd adlı bir oğlu vardı.

Əhmədin başına yığışan dost tanışı çox idi. Əlbəttə ki, puluna görə. Amma o, hələ bunu anlamayacaq qədər cavan idi. Tacir bir gün oğlunu yanına çağırıb deyir:" Oğlum ,sənin ki bu qədər dost tanışın var, onları heç sınaqdan keçimisənmi?"

Oğlu gülüb deyir:" Ata, dostlarımı sınaqdan çıxarmağa ehtiyac yoxdu. Onlar hər gün mənə baş çəkirlər, mənimlə yeyib- içirlər, mənimlə əylənirlər"

Tacir ciddi görkəm alıb deyir:" Oğlum onlar əyləncə dostlarıdı. Arı şirəyə yığışan kimi onlar da sənin puluna yığışıb. Sən yenə də onları sına"

Əhməd səhəri bir qoyun alıb öldürür. Axşamı bütün dostlarının evinə gedib deyir ki, mən şahın qoçunu bilmədən öldürmüşəm mənə kömək edin

canımı bu işdən qurtarım. Hansı dostunun qapısını döydüsə hərəsi bir bəhanəylə boyun qaçırırdı. Axırda uşaqlıq dostu yadına düşdü. Amma Əhməd fikirləşdi ki, gündə mənimlə yeyib- içənlər buna boyun olmadılar, çoxdanın dostu neynəyər ki.. Amma yenə fikrindən dönüb onun da qapısını döydü. Oğlan bayıra çıxdı, uşaqlıq dostunu tanıdı.

Əhməd olanları danışdı. Oğlan Əhmədə bir də torbaya baxıb dedi: "Düzü yaxşı iş görməmisən. Amma bir qoyuna görə də başının kəsilməyi haqdan olmazdı. Gəl dalımca!"

Bunu deyib, evindən bel, külüng götürdü. Şəhərin kənarında bir çayın yanına gəldilər. Çayın yanında çuxur qazıb, torbanı orda basdırdılar. Çayın axışını dəyişib torbanın üstünə saldılar.

Səhər Əhməd həmin uşaqlıq dostunu məclisdə görüb qışqırdı:" Ay sənin atan belə. Düş aşağı!" Dostu kefini pozmadan deyir:" Əhməd yeri get işinə, onsuz da deməyəcəm ki, çay nəyin üstündən axır"

RAMAZAN AYININ İKİNCİ GÜNÜ( vaxtı və duası)

Moonlight — Sat, 21 Jul 2012 19:18:24 GMT

Sübh namazı 05:03;

İmsak:04:20 yə kimi;

iftar:21:21dən sonra;

Allah orucunuzu qəbul etsin!

İkinci günün duası:

Əllahumə qərribni fihi ilə mərzatikə və cənnibni fihi

min səxətikə və nəimətikə və vəffiqni fihi liqiraəti əyətikə

birəhmətikə yə ərhəmər rahimin

VAMPİR OBRAZININ TƏMƏL DAŞI YARASALAR................................

Moonlight — Sat, 21 Jul 2012 11:37:56 GMT

Yarasalar çoxumuzun görmədiyi və görmək istəmədiyi canlıdır.

Lakin onun haqqında bəzi məlumatları öyrənmək bizə zərər olmaz məncə;))

Hekayətə görə yarasalar İsa(Ə) ın qövmünə peyğəmbərliyini və Allahın qüdrətini göstərmək üçün, palçığa üfürməsi ilə yaranıb.

Yarasanı yaratmaqda məqsəd o idi ki, yarasa bütün yaranılmış canlılardan tam fərqlənir və Allahın

qüdrətinin nəyə qadir olduğunu bir daha özündə əks etdirir.

Yarasalar qandan və ətdən ibarətdir. Qanadlarını çırparaq uçan yeganə məməlidir. Quş kimi

uçsa da, yumurtlamaz, diri bala doğar və süd verər. Gündüzün işığında və gecənin qaranlığında

görməz. İnsan kimi gülər. Düşünülən kimi pis heyvan deyil. Hər ovunu yedikdən sonra pişiklər kimi

özlərini yalayıb təmizləyərlər. Yarasalar səs dalğaları vastəsilə cismin uzaqlığını, formasını

təsbit edə bilirlər. Böcəyin qanı, meyvənin şirəsi ilə qidalanır.

Adətən mağaraların qaranlıq və rütubətli yerlərində yaşayırlar.

Kinolarda izlədiyimiz vampir filmləri məhz yarasalardan ilhamlanıb çəkilmişdir.

ƏCƏL YAXINLAŞINCA...................................

Moonlight — Sat, 21 Jul 2012 11:05:10 GMT

Allahın qulunun ölümü yaxınlaşdıqca dört mələk yanına gələr.

Birincisi deyər:" Salam sənə ey Alahın qulu, yer üzünü bütün gəzdim,amma addım ata biləcəyin

yer görmədim."

İkincisi deyər:" Salam ey Allahın qulu,dünyadakı bütün çayları, gölləri gəzdim, amma sənə nəsib ola biləcək

bir damla su görmədim."

Üçüncüsü deyər:" Salam ey Allahın qulu, bütün yer üzünü gəzdim, amma sənə nəsib olacaq bir parça çörək görmədim."

Dördüncüsü deyər:" Salam ey Allahın qulu, bütün yer üzünü başdan ayağa gəzdim, amma alınması sənə nəsib olacaq

bir nəfəs görmədim."

ORUC TUTMAQ VƏ RAMAZAN AYINA DAİR HƏDİSLƏR

Moonlight — Sat, 21 Jul 2012 10:41:57 GMT

1)Oruc tutmaq, ilahi əzab qarşısında qalxandır;

2)Üç xislət vardır ki, oruc tutub namaz qılsan belə, günahı böyükdür:söz verib yerinə yetirməmək, yalan danışan,

əmanətə xəyanət edən;

3)Ramazan ayı, günahların yanıb, kül olduğu üçün belə adlanır;

4)Oruc tutun, sağlam qalın;

5)Oruclu ikən kimsə sizə zülüm edər ya da hirsləndirərsə, dilinizi qarğışdan və pis sözlərdən çəkindirin, sadəcə

həmin adama mən orucluyam deyin;

6)Sədəqənin ən xeyirli olanı, Ramazan ayında verilənidi;

7) Oruclu üçün fəxr olunası iki vaxt vardır:biri iftarını açdığı vaxt, digəri Allaha qovuşub savabının xeyrini gördüyü

vaxtdır;

8)Gözün orucu, haram olan baxışdan gözü çəkindirməkdir, dilin orucu, lazımsız və

faydasız sözlər danışmaqdan çəkindirməkdir, qulağın orucu, qeybət kimi günah

söhbətlərdən eşitməkdən çəkindirməkdir,əlin orucu, haramı tutmamaq, ayağın orucu, harama getməməkdir.

Ey İman edənlər! Görürsünüzmü, təkcə mədənin deyil, insanın bütün əzalarının orucunu tutmaq lazımdır