Ana səhifə » 2012 » May » 8 » Əli Abbasov: ""Eurovision" mahnı müsabiqəsi ilə bağlı radio-televiziya sistemi bu gün təhvil verilir"
10:00
Əli Abbasov: ""Eurovision" mahnı müsabiqəsi ilə bağlı radio-televiziya sistemi bu gün təhvil verilir"
Azərbaycanda keçiriləcək "Eurovision" mahnı müsabiqəsi ilə bağlı tətbiq
olunacaq ən mürəkkəb sistem sayılan radio-televiziya sistemi artıq bu
gün təhvil verilir.
Bunu jurnalistlərə rabitə və informasiya texnologiyaları naziri Əli Abbasov bildirib.
Onun
sözlərinə görə, bundan sonrakı günlər isə müəyyən və ya qeyri-müəyyən,
gözlənilməyən problemlərin qarşısının alınması üçün testlərə başlanacaq.
"İnternet
tamamilə hazırdır və istifadəyə veriləcək. Həmçinin mobil operatorlar
üzərlərinə düşən işləri artıq tamamlayıblar, "Eurovision"ın rəsmi saytı
öz qaydasında işləyir. Bundan sonra bizim əsas vəzifəmiz sistemin
dayanıqlığı və onun etibarlılığını təmin etmək, həmçinin baş verə
biləcək müəyyən kiberhücum problemlərinin qarşısını almaq üçün tədbirlər
görməkdir", - Abbasov deyib.
Nazir hesab edir ki, bu istiqamətdə
planlaşdırılmış proqram üzrə işlər həyata keçiriləcək və
telekommunikasiya, radio-televiziya verilişlərində, internetdə
problemlər olmayacaq.