"Juliens Auctions" hərrac evi 1977-ci ildə əfsanəvi amerikalı müğənni Elvis Preslinin dəfn olunduğu sərdabəni satışa çıxaracaq.
"Reuters" bildirir ki, sərdabə iyunun 23-də "Sports Legends and Music Icons" hərracında satılacaq.
Bu hərracda rok-n-roll kralının sərdabəsi ilə yanaşı, məşhur musiqiçi və idmançıların əşyaları da satılacaq.
Sərdabənin ilkin satış qiyməti 100 min dollardır. Preslinin dəfn
olunandan sonra 4 ay olduğu sərdabə Tennesi ştatındakı Memfis şəhərində,
Forest-Hill məzarlığındadır.
Elvis Presli hazırda Memfisdə, müğənniyə malik olmuş Qreyslend
malikanəsinin bağında torpaqdadır. O, anasının məzarının yanında dəfn
olunub.
