Təhsil naziri Misir Mərdənovun vəzifədən azad olunması ilə bağlı yayılan məlumatlar həqiqəti əks etdirmir.
Bunu Bakı Şəhəri üzrə Təhsil İdarəsinin (BŞTİ) İctimaiyyətlə əlaqələr sektorunun müdiri Zəminə Əliqızı bildirib.
O deyib: "Hazırda M.Mərdənov xarici ölkədə səfərdədir. O, xaricdə
keçirilən beynəlxalq konfransda Azərbaycanı nazir kimi təmsil edir.
Təbii ki, nazirin işdən çıxarılması ilə bağlı yayılan məlumatlar
təxribatdan başqa bir şey deyil”.
Xatırladaq ki, Azərbaycanın bir sıra KİV-ləri bu gün Prezident İlham
Əliyev tərəfindən təhsil naziri Misir Mərdanovun işdən azad olunması
haqqında Sərəncam imzalaması barədə məlumat yayıblar.
