Rusiyanı "Eurovision 2012" mahnı müsabiqəsində təmsil edəcək
"Buranovskiye babuşki"nin "Party for everybody" mahnısı dillər əzbəri
olsa da, qrup üzvləri ulduz xəstəliyinə tutulmayıblar.
Trend eurovision.az saytına istinadən məlumat verir ki, təsərrüfat və
bostan işlərini yekunlaşdıran nənələr artıq Bakıya üz tutublar. Onlar
hətta İjevsk hava limanında Avstriyadan olan turistlərə avtoqraf da
veriblər.
Rusiya təmsilçiləri bazar günü Bakıda olacaqlar. Nənələrin hər biri
üçün yeni paltar tikilsə də, onlar səhnəyə sikkələrlə bəzədilmiş milli
paltarlarında çıxmağa üstünlük veriblər.