Biri var idi, biri yox idi. Dodu və Bodu adlı ər-arvad ,bir də onların qızı var idi. Qızları böyüyüb gəlin köçmüşdü.Günlərin bir günü Dodu ilə Bodu belə qərara gəldilər ki, gedib qızlarını görsün. Amma Dodu ocağa kəllə paça asmışdı. Ərinə dedi:
-Ay kişi, kəllə paçanı neynim?
Kişi dedi ki, qoysun ocağın üstünə,gələndə isidib yeyərlər....
Nəisə Dodu ilə Bodu hazırlaşıb evdən çıxdılar,qapını qıfıllayıb açarı daşın altına qoydular və üz tutdular qızlarının evinə. Yolda bir dilənçi ilə rastlaşdılar. Dodu dedi:
-Ay kişi, birdən bu dilənçi bizim evə gedər eee
Kişi dedi: " Gözlə soruşum" sonra üzünü dilənçiyə tutub dedi:
-Bura bax ey dilənçi. Biz qızımızgilə gedirik. Nə badə bizə gedib, açarı daşın altından götürüb evə girəsən aa. Ocağın üstündə kəllə paça var ona da toxunma. Əgər gəlib görsəm ki, yemisən məndən incimə.
Bunu deyib dilənçidən ayrılırlar. Dilənçi də düz bunlara gedib evə girir, ocağın üstündə kəllə
paçanı götürüb yeyir.
Dodu ilə Bodu da yollarına davam edirlər.Birdən qarşılarına kənarda bitmiş qamışlar çıxır. Qamışlar külək əsdikcə başlarını aşağı əyirlər. Dodu Bodudan soruşur ki, bunlar niye bele edirlər. O da deyir ki, yeqin soyuqdu. Dodu da tez boynundakı şalı çıxarıb, onların üstünə atır.
-Bodu, qoy onlara soyuq olmasın..
Davam edirlər yollarına..Birdən qarşılarına sağsağan çııxır. Sağsağan da elə hey hoppanırdı. Dodu soruşdu ki, bu niyə hoppanır?. Bodu da cavab verdi ki, yəqin ayaqqabısı yoxdu ona görə..Bunu eşidən Dodu tez başmaqlarını çıxardıb verir ona...
Beləcə, gəlib çıxırlar qızlarının evinə..Qızı da evdə tək idi.Qızı bunları görən kimi qucaqlayıb ağladı. Nəisə oturdular..Xoş beşdən sonra qız dedi ki, mən gedim hamama gəlirəm siz rahat olun..Qız gedəndən sonra başladılar həyəti gəzməyə.Bir də gördülər ki, qazlar dimdikləri ilə qanadlarını eşələyirlər.. Dodu fikirləşdi ki, yəqin bunlara bit düşüb.
-Ay kişi gəl su qaynadaq bu qazları suya qoyaq bitləri çıxsın.
Belə də edirlər..Qaynar suya qazları bir-bir salıb ,sonra kənara çıxardırlar
Evə gələn qız qazların bu halını görüb dəliyə dönür..Ərinə nə cavab verəcəkdi biçarə.?!...
Dodu ilə Bodu bunu görüb evə qayıdırlar..Bodu deyir:
-Ay arvad qızdır kəllə paçanı yeyək..
Arvad elə qazanın ağzını açmışdı ki, gördü yeməyin hamsını yeyiblər..Tez ərini çağırdı..Bodu qazana baxıb dedi:
-Hələ tapşırmışdım ki, yemə..............
| 
